chhattisgarh : बिटकुली माईनर रि-मॉडलिंग बर मिलीन हे 34.95 लाख रुपिया के स्वीकृति

जय जोहार । जल संसाधन विभाग मंत्रालय छत्तीसगढ़ (chhattisgarh) सासन डहार ले बलौदाबाजार-भाटापारा जिले के विकासखण्ड बलौदाबाजार स्थित महानदी परियोजना के लवन शाखा के वितरक शाखा क्रमांक-7 बिटकुली माईनर के रि-मॉडलिंग, सी.सी. लाईनिंग एवं स्ट्रक्चर्स पुनर्निर्माण बर 34 लाख 95 हजार रुपिया के प्रसासकीय स्वीकृति मुख्य अभियंता महानदी परियोजना रायपुर ल प्रदान करे गेहे। ये कार्य ल कराए जाय ले ए योजना के सिंचाई क्षमता म 79 हेक्टेयर के कमी ल पूरा करे के संग ही कुल 212 हेक्टेयेर म सिंचाई बर जलापूर्ति हो सकही ।

सोठी अउ अफरीद वितरक नहर लाईनिंग बर मिले हे 3.47 करोड़ के स्वीकृति- जल संसाधन विभाग मंत्रालय छत्तीसगढ़ (chhattisgarh) सासन डहार ले जांजगीर-चांपा जिला स्थित हसदेव बांगो परियोजना की सोठी वितरक नहर के आरडी 1100 मीटरले 1400 मीटर के मध्य सुरक्षा वॉल के निर्माण, लाईनिंग अउ अफरीद वितरक नहर म लाईनिंग कार्य बर 3 करोड़ 47 लाख 12 हजार रुपिया के प्रसासकीय स्वीकृति मुख्य अभियंता मिनीमाता बांगो परियोजना बिलासपुर ल प्रदान करे गेहे। ये दूनों वितरक म प्रस्तावित काम ल कराए जाय ले एखर सिंचाई क्षमता म 554 हेक्टेयर के कमी ल पूरा करे के संग ही कुल 2058 हेक्टेयेर म सिंचाई बर जलापूर्ति हो सकही ।

झोका नाला जलासय के स्लूस जीर्णोद्धार बर 46.99 लाख के स्वीकृति- जल संसाधन विभाग मंत्रालय छत्तीसगढ़ (chhattisgarh) सासन डहार ले कोरबा जिला के कटघोरा विकासखण्ड अंतर्गत झोका नाला जलासय के स्लूस जीर्णोद्धार बर 46 लाख 99 हजार रुपिया के प्रसासकीय स्वीकृति मुख्य अभियंता हसदेव कछार बिलासपुर ल प्रदान करे गेहे। ये जीर्णोद्धार काम ल कराए जाय ले ए योजना ले 182 हेक्टेयर म सिंचाई बर जलापूर्ति हो सकही ।