जय जोहार। छत्तीसगढ़ (chhattisgarh ) सासन ह प्रदेस के तीन ठीन सिंचाई परियोजना के काम ल कराय बर 41 करोड़ 26 लाख 34 हजार रुपिया स्वीकृत करे हे । ए योजना के पूरा होय ले 1770 हेक्टेयर क्षेत्र म सिंचाई सुविधा मिल सकही ।
धमतरी जिला के विकासखण्ड-नगरी के बरबांधा जलासय के बांध, नहर के जीर्णोद्धार अउ नवीनीकरण काम बर 19 करोड़ 54 लाख 74 हजार रुपिया स्वीकृत करे गेहे । ए योजना के पूरा होय ले 425 हेक्टेयर क्षेत्र म सिंचाई सुविधा मिल सकही। कबीरधाम जिला के विकासखण्ड-बोड़ला के रामपुर बरेड़ा व्यपवर्तन योजना के काम बर 6 करोड़, 20 लाख 70 हजार रुपिया स्वीकृत करे गेहे। ए योजना के पूरा होय ले 250 हेक्टेयर क्षेत्र म सिंचाई सुविधा मिल सकही।
बेमेतरा जिला के विकासखण्ड-साजा के फेस-2 सुरहीकर्रा व्यपवर्तन योजना के लघु नहर (देऊरगांव) के रिमॉडलिंग, लाईनिंग अउ बोरतरा सब माईनर के निर्माण काम बर 15 करोड़ 50 लाख 90 हजार रुपिया स्वीकृत करे गेहे। ए योजना के पूरा होय ले 1095 हेक्टेयर क्षेत्र म सिंचाई सुविधा मिल सकही।
