ambikapur मेडिकल कॉलेज म घलो आरटीपीसीआर जांच हो गे सुरु

जय जोहार…. बिलासपुर मेडिकल कॉलेज के बाद आज ले अम्बिकापुर (ambikapur) मेडिकल कॉलेज म घलो कोविड 19 के आरटीपीसीआर जांच ह सुरु हो गे हे।

बता देन कि आईसीएमआर ह हाल म प्रदेश के तीन मेडिकल कालेज बिलासपुर, अम्बिकापुर (ambikapur) अउ राजनांदगांव के नवनिर्मित उच्च सत्रीय बीसएसएल -2 लैब म आरटीपीसीआर टेस्ट के अनुमति ल दे रिहिस। एमा ले दू मेडिकल कालेज म जांच ह सुरु हो चुके हे। राजनांदगांव मेडिकिल कॉलेज म घलो जांच ह जल्द सुरु हो जाही।

बता देन कि बिलासपुर, अम्बिकापुर (ambikapur) अउ राजनांदगांव मेडिकल कॉलेज म घलो जांच के सुविधा हो जाय ले सैम्पल के संख्या म वृद्धि होही। अम्बिकापुर अउ बिलासपुर मेडिकिल कॉलेज म अभी रोज के 100-100 सैम्पल के संग जांच ल सुरु करे गे हे। आगू एखर क्षमता ल बढ़ाय जाही।