corona पाजिटिव आय के बाद दुबारा नई होही आरटीपीसीआर टेस्ट, आईसीएमआर ह जारी करिन नवा गाइडलाइन

जय जोहार…. आईसीएमआर ह कोरोना (corona) जांच ल लेके नवा एडवाइजरी जारी करे हे। एखर तहत आरटीपीसीआर अउ रैपिड एंटीजन टेस्ट म कोनो मनखे एक घांव कोरोना पाजिटिव आ जावत हे, त ओखर दुबारा आरटीपीसीआर अउ रैपिड एंजीजन टेस्ट नई होही।

आईसीएमआर के तरफ ले जारी एडवाइजरी म लैब म दबाव ल कम करे बर आरटीपीसीआर जांच ल कम ले कम करे अउ रैपिड एंजीजन टेस्ट ल बढ़ाय के बात कहे गे हे। आईसीएमआर के तरफ ले कहे गे हे कि देश म तेजी ले बाढ़ते (corona) संक्रमण मन के सेती कोरोना जांच करइया प्रयोगशाला बेहद दबाव म काम करत हे। अईसे म कोरोना के बाढ़ते मामला ल देखत हुये जांच के लक्ष्य ल पूरा करे म कठिनाई होवत हे। उहचे प्रयोगशाला के कुछु स्टाफ ह घलो संक्रमित हे।

आईसीएमआर के तरफ ले जारी करे गे एडवाइजरी म कहे गे हे कि रैपिड एंटीजन टेस्ट ल कोरोना जांच बर जून 2020 म अपनाये गे रिहिन। मौजूदा दौर म ये कंटेनमेंट जोन अउ कुछ हेल्थ सेंटर म ही सीमित हे। (corona) ए टेस्ट के फायदा ये हे कि एखर ले 15 ले 20 मिनट म कोरोना के रिपोर्ट के पता चल जावत हे। अईसे म मरीज ल जल्दी बने होय म घलो मदद मिलत हे।