ambikapur म जल्द सुरु होही आरटीपीसीआर जांच, एक शिफ्ट म 200 ले जादा लोगन मन के होही टेस्ट
जय जोहार…. अम्बिकापुर (ambikapur) जिला के मेडिकल कालेज म आरटीपीसीआर जांच ह जल्द सुरु होवइया हे।
जेखर बर सैम्पल के गुणवत्ता परीक्षण म मेडिकल कालेज के वायरोलाजी लैम के रिपोर्ट ह सही पाय गे हे।
आइसीएमआर नईदिल्ली ले अनुमति मिलत ही अम्बिकापुर (ambikapur) के मेडिकल कालेज म घलो कोरोना के आरटीपीसीआर जांच ह सुरु हो जाही।
एखर बर आइसीएमआर ले आइडी अउ पासवर्ड ह जरूरी हे।
बता देन कि सरगुजा संभाग के कोरोना संदिग्ध के सैम्पल ल आरटीपीसीआर जांच बर एम्स रायपुर, मेकाहारा रायपुर अउ मेडिकल कालेज रायगढ़ भेजे जावत रिहिस।
जेखर सती रिपोर्ट आय म कई बार विलम्ब होवत रिहिस। एती कोरोना के टेस्टिंग बढ़ाय बर स्वास्थ्य मंत्री टीएस सिंहदेव ह पहल करे रिहिस। मंत्री सिंहदेव ह अम्बिकापुर के आलावा बिलासपुर अउ राजनांदगांव म वायरोलाजी लैब ल स्थापित कर कोरोना संकरमण के आरटीपीसीआर जांच ल सुरू करे के सबो जरूरी उपाय ल पूरा करे के निर्देश दे रिहिस।
ए निर्देश के बाद (ambikapur) मेडिकल कालेज म वायरोलाजी लैब के स्थापना बर अधोसंरचना विकास के काम ह तेजी ले पूरा करे गे हे। एक शिप्ट म 200 ले जादा लोगन मन के टेस्ट करे के सुविधा ह मिलही।
