रुद्री म साकार होही आसा अउ आधुनिकता का अद्भुत मिलन

20 करोड़ ले बनी भव्य रुद्रेश्वर धाम कॉरिडोर

रायपुर, धमतरी सहर ले लगे रुद्री म इस्थित जुन्ना रुद्रेश्वर महादेव मंदिर अब सिरिफ एक ठन धार्मिक जगह भर नई रहिही, बल्कि आऊ इया समय म ये हा परदेस के सांस्कृतिक चिनहा अउ धार्मिक पर्यटन के नवा केंद्र बनके उबड़ही। लगभग 20 करोड़ रूपीया के लागत ले प्रस्तावित रुद्रेश्वर धाम कॉरिडोर योजना के माध्यम ले मंदिर परिसर के पूरा विकास करे जाही। ये बड़े योजना ला भारत सरकार के संस्कृति अउ पर्यटन मंत्रालय के सहयोग ले तीन चरन म बढ़ाए के योजना तइयार करे गे हे।

बड़े बात ये हे कि पूरा विकास के काम म मंदिर के मूल बनावट अउ ओकर आध्यात्मिक मान-मरजाद ला वइसनेच रखे जाही। बिना कोनो बड़े तोर-फोर या नुकसान के मंदिर परिसर ला आऊनिक सुबिधा मन अउ पारंपरिक भारतीय स्थापत्य सइली के मिलाप ले नवा रूप दिये जाही। प्रस्तावित डिजाइन म सिखर, तिरसूल, ओम् चिनहा, तोरन दुवार, सजे खंभा, नंदी के मूरति, दीया खंभा अउ जाली के काम जइसन पारंपरिक चीज मन ला सामिल करे गे हे। कुदरती सैंडस्टोन क्लैडिंग अउ पत्थर वाले फिनिश मंदिर परिसर ला भव्य, मनमोहक अउ जुग-जुग तक चलेइया रूप प्रदान करही।

योजना के मतलब सिरिफ मंदिर के सुघराई तक सीमित नई हे, बल्कि सरधालु अउ परयटक मन ला दुनिया भरी के सुबिधा मन ला देना घलो हे। एकर तहत चउड़ा रद्दा, सुघर बने आवय-जावय के दुवार, परकरमा रद्दा, घाट, मंडप अउ मनखे मन के उपयोग के जगह मन के सुघर विकास करे जाही। परिसर म डिजिटल सूचना स्क्रीन, प्रसाद अउ चिनहा दुकान, फूड कोर्ट, सुस्ताए के जगह, लइका मन बर दूध पीये के कोठरी, पइसा वाले सफा टॉयलेट अउ पहिली इलाज केंद्र जइसन सुबिधा मन तइयार होही। आऊनिक तकनीक के उपयोग म एआई वाले हेल्थ चेकअप कियोस्क घलो लगाए जाही। सियान मन अउ बिकलंग मन बर रैम्प वाले बिना बाधा के आवय-जावय के बेवस्था योजना के बड़े हिस्सा होही।

घाट डहर ला घलो खास रूप ले तइयार करे जाही। इहां रेलिंग वाले बिसरजन कुंड, सुरछित सीढ़ी अउ सरधालु मन के बइठे बर पूरा बेवस्था करे जाही, जावत धार्मिक बुता मन सुरछित अउ सुघर ढंग ले चल सकय। एकर अलावा बगइचा, सांस्कृतिक मंडप, खुला मंच, रीवर फ्रंट कॉटेज अउ आगू चलके बनेइया मेरीन ड्राइव जइसन बिचार ये योजना ला धार्मिक पर्यटन के संग-संग सांस्कृतिक अउ परिवार के घूमे-फिरे के घलो बड़े केंद्र बनाही।

पूरा लेआउट ला वास्तु के नियम, कुदरती हवा, खुला अँगना अउ सरधालु मन के अगाध आध्यात्मिक सरधा के बिचार ला धियान म रखके तइयार करे गे हे। डिजाइन म सोमनाथ मंदिर, काशी विश्वनाथ कॉरिडोर अउ जगन्नाथ मंदिर के बनावट के बिचार ले प्रेरणा लीन गे हे।

परयावरन के रखवार ला घलो योजना के बड़े हिस्सा बनाए गे हे। एकर तहत घाम (सौर) उरजा वाले पार्किंग शेड, ईवी चार्जिंग स्टेशन, पानी सउंके के बेवस्था, कुदरती अंजोर अउ हवा वाले डिजाइन, हरियाली जगह के विकास अउ कचरा परबंधन जइसन बेवस्था मन प्रस्तावित हे। लोकल अउ टिक्काऊ समान मन के उपयोग ले परयावरन ऊपर असर कम होही अउ संग म लोकल कारीगर मन अउ रोजगार ला घलो बढ़ावा मिलही।

कलेक्टर अबिनाश मिश्रा के कहिबे मुताबिक ये योजना सिरिफ बनावट के काम नई हे, बल्कि धमतरी के धार्मिक आसा, सांस्कृतिक धरोहर अउ पर्यटन के संबावना ला नवा चिनहा देइया उदीम आय। आऊ इया समय म रुद्रेश्वर धाम परदेस के बड़े आध्यात्मिक अउ सांस्कृतिक पर्यटन केंद्र मन म सामिल होही।

हमर व्हाट्सएप चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/