रायपुर. लोकसभा चुनाव मन ले लेके एक कोती जिहां पहिली बेर वोट देवइया युवा मन के उत्साह के चर्चा होवत हे, उहें दूसर तरफ रायपुर के रहइया रुक्मिणी दीवान के पहिली वोट खूब सुर्खी मन ल बटोरत हे.
रायपुर म महिला अउ बाल विकास विभाग के कर्मचारी मन ह ‘मोर रायपुर-वोट रायपुर’ नाम ले मतदाता जागरुकता अभियान चलावत हे, जेमा विभाग के कर्मचारी सहर के घर मन म घूम-घूम के लोग मन ले मतदान करे के अपील करत हे.
अभियान के दउरान उंखर मुलाकात रायपुर सहर के टाटीबंध के रहइया रुक्मिणी दीवान ले होईस. रुक्मिणी दीवान के उम्र 102 बछर हे, अउ उमन आज तक कभु मतदान नई करिन हे. रुक्मिणी ह बताइन के, सुरू ले ही बड़का अउ संयुक्त परिवार म रेहे के कारन उमन ल सायद ही कभु घर ले बाहर कदम रखिस, अउ एखर सेती आज तक कभु वोट नई दे पाईंस.
हालांकि जब उमन बतउर नागरिक उंखर अधिकार अउ कर्तव्य मन के बारे म समझाय गिस. तब उमन लोकसभा चुनाव 2019 म वोट दे बर तइयार होईंस. 23 अप्रैल ल रायपुर म होवइया चुनाई म वो पहिली बेर अपन मताधिकार के प्रयोग करही.
Other Articles
रमन सिंह ह प्रदेस के दसो दिसा मन के करिस विकास
