Raipur : झीट सामुदायिक स्वास्थ्य केंद्र म बनही ग्रामीण स्वास्थ्य अनुसंधान इकाई, तकनीकी स्टॉफ के प्रसिक्षण म मिलही मदद
जय जोहार…. (Raipur) दुर्ग जिला के पाटन विकासखंड के झीट सामुदायिक स्वास्थ्य केंद्र म मॉडल ग्रामीण स्वास्थ्य अनुसंधान इकाई स्थापित करे जाही। स्वास्थ्य मंत्री टी.एस. सिंहदेव के मौजूदगी म आज ओखर निवास कार्यालय म सीजीएमएससी अउ आईसीएमआर के बीच एखर निर्माण बर एमओयू म हस्ताक्षर करे गीस हे।
छत्तीसगढ़ सासन के डहार ले सीजीएमएससी के प्रबंध संचालक कार्तिकेय गोयल अउ आईसीएमआर के डहार ले राष्ट्रीय जनजाति स्वास्थ्य अनुसंधान संस्थान जबलपुर के निदेशक डॉ. अपरूप दास ह अनुबंध पत्र पर हस्ताक्षर करीन।
राज्य सासन के सीजीएमएससी डहार ले आईसीएमआर के संस्था राष्ट्रीय जनजाति स्वास्थ्य अनुसंधान संस्थान जबलपुर के सहयोग ले (Raipur) झीट सामुदायिक स्वास्थ्य केंद्र म दो करोड़ रुपिया के लागत ले 11 हजार वर्गफीट म मॉडल ग्रामीण स्वास्थ्य अनुसंधान इकाई के स्थापना करे जाही । स्वास्थ्य मंत्री सिंहदेव ह किहीन कि एमआरएचआरयू ले प्रदेस म आने आने बीमारी के जांच, अनुसंधान, सर्विलेंस अउ बीमारी के पूर्वानुमान म मदद मिलही ।
(Raipur) इहां के वैज्ञानिक, चिकित्सा वैज्ञानिक अउ वरिष्ठ तकनीकी स्टॉफ डहार ले स्वास्थ्य विभाग, अस्पतालों के लेबोरेटरी में कार्यरत तकनीशियन अउ पैरामेडिकल स्टॉफ ल प्रसिक्षण घलो दे जाही। वो हा किहीन कि वर्तमान म वेक्टरजनित बीमारी के परीक्षण बर नमूना ल जबलपुर अउ दुसरइया संस्थान म भेजे जात हे। झीट म ग्रामीण स्वास्थ्य अनुसंधान इकाई के स्थापना ले स्थानीय स्तर म अइसनहे परीक्षण अउ अनुसंधान के सुविधा मिलही।