chhattisgarh म कृषि अउ ग्रामीण अर्थव्यवस्था ल बेहतर बनाय बर होय हे दो एमओयू, सीएम ह किहीन – ग्रामीण महिला मन अब गोबर ले बनाही बिजली
जय जोहार । मुख्यमंत्री भूपेश बघेल ह किहीन कि अब तक विद्युत उत्पादन के काम ल सरकार अउ बड़का औद्योगिक घराना करत हे। ये मिथक ह छत्तीसगढ़ राज्य म टूटे ल जावत हे। राज्य सरकार के मदद ले अब गांव के महिला मन ह विद्युत उत्पादक बने ल जावत हे । राज्य के गौठान म ख़रीदे जावत गोबर ले स्व-सहायता समूह के ग्रामीण महिला मन ह बिजली बनाही । एखर बर भाभा परमाणु अनुसंधान केन्द्र ट्राम्बे मुम्बई ले गोबर ले विद्युत उत्पादन के आधुनिक तकनीक निसरगु्रना के हस्तांतरण बर ए छत्तीसगढ़ बायो फ्यूल विकास प्राधिकरण के संग एमओयू होय हे । गौठान म गोबर अउ कृषि अपशिष्ट ले बिजली अउ जैव ईंधन के उत्पादन बर संयंत्र लगाये जाही ।
मुख्यमंत्री भूपेश बघेल ह आज अपन निवास कार्यालय म गोबर ले बिजली उत्पादन अउ खाद्य विकिरण परियोजना के एमओयू कारीकरम ल सम्बोधित करत रिहीन । वो हा किहीन कि पिछले तीन बछर म छत्तीसगढ़ ह कृषि के क्षेत्र म तेजी ले प्रगति करत हुये पूरा देस ल रास्ता दिखाये हे । कृषि अउ किसान के बेहतरी बर कई ठीन नवा कदम ल उठाये गेहे अउ नवा -नवा नवाचार होय हे । कृषि क्षेत्र के विकास बर छत्तीसगढ़ सरकार के योजना के सफलता के चर्चा आज पूरा देस म होवत हे
मुख्यमंत्री ह छत्तीसगढ़ राज्य म खाद्य विकिरण केन्द्र के स्थापना बर बोर्ड ऑफ रेडियेशन एवं आइसोटोप टेक्नोलॉजी परमाणु ऊर्जा विभाग भारत सरकार अउ छत्तीसढ़ राज्य बीज कृषि विकास निगम के मध्य समझौता म प्रसन्नता जतात हुये किहीन कि ए आधुनिक तकनीक ले खाद्य पदार्थ फल, सब्जी अउ दाल ल जल्दीच से खराब होय ले बचाय अउ किसान मन ल बेहतर मूल्य दिलाय म मदद मिलही ।
Other Articles
Raipur : चोरी के आरोपी मन ल पकड़इया टीम ल एसपी ह करीन सम्मानित
