Raipur: सफाई कर्मचारी मन ह अपन मांग ल लेके राजधानी म करही प्रदर्शन, पढो पूरा खबर

जय जोहार…. (Raipur) सरगुजा संभाग म वेतन बढ़ोतरी के मांग करत 300 ले जादा सफाई कर्मचारी मन ह रायपुर पहुंचही। ये सफाई कर्मचारी मन ह बिहनिया 11 बजे राजधानी रायपुर पहुंचही। ये प्रदर्शन ह छत्तीसगढ़ अंशकालीन स्कूल सफाई कर्मचारी कल्याण संघ के बेनर तले होवत हे।

सफाई कर्मचारी मन ह कहिन कि (Raipur) चुनाव के दौरान सरकार ह कई बड़का वादा करिन, लेकिन अभी तक ए वादा ल पूरा नई करे गे हे। चुनाव के दौरान कांग्रेस ह सफाई कर्मचारी मन के वेतन म बढ़ोतरी समेत पूर्णकालीन रखे के वादा करे रिहिन, जेला अभी तक पूरा नई करे गे हे।

सफाई कर्मचारी मन ह किहिन कि (Raipur) सरकारी कर्मचारी मन ह सरकार के ए रवैया ले नाराज हे। सरगुजा ले पैदल यात्रा कर राजधानी रायपुर पहुंच के बाद सफाई कर्मचारी मन ह अपन मांग ल लेके आवाज ल बुलंद करही।