रेडियो श्रोता अउ वक्ता मन के बीच होइस युवा कवि चम्पेश्वर के सम्मान, आरु के गायन अउ दुर्गा के पंडवानी के लुत्फ उठाईन सब्बो

छत्तीसगढ़ के युवा कवि अऊ गीतकार चम्पेश्वर गोस्वामी के सम्मान ओल्ड रेडियो लिस्नर्स संस्था के अखिल भारतीय आयोजन म होइस जेमा देशभर के रेडियो वक्ता अऊ श्रोता मन बड़ संख्या में उपस्थित रिहिन। संस्था के अध्यक्ष मोहन लाल देवांगन ह बताइन कि पिछले कई साल ले स्रोता सम्मेलन कार्यक्रम के संचालन चम्पेश्वर गोस्वामी करत आवत हे,अऊ ओखर संचालन म रेडियो श्रोता मन के कार्यक्रम काफी सफल होथे,

संस्था के अध्यक्ष मोहन लाल देवांगन जी अऊ झावेंद्र कुमार ध्रुव के संयुक्त संयोजन में ये कार्यक्रम बहुत शानदार होइस कार्यक्रम म आरु (ओजस्वी साहू) के शानदार कार्यक्रम होइस अऊ युवा पंडवानी गायिका दुर्गा साहू ह घलोक पंडवानी के सफल प्रस्तुति दीस….चम्पेश्वर के सम्मान खातिर ओखर मित्र अऊ शुभ चिंतक मन ओला बधाई देहें