कोरोना जांच बर भेजे गिन 10 पुलिस कर्मी मन के सैंपल, डीजीपी के आदेश के बाद होइस कवायद तेज

जय जोहार…. राजनांदगांव जिला म कोरोना ले एहतियात के तौर म 10 पुलिस कर्मी मन के सैंपल जांच बर भेजे गे हे। भीड़ म तैनात, पहले ले डायबिटीज अऊ अन्य बीमारी ले ग्रस्त पुलिस कर्मी मन के सैंपल प्राथमिकता के आधार म ले जात हे। पुलिस मुख्यालय ले दु दिन पूर्व लॉकडाउन के अवधि के दौरान ड्यूटी करत पुलिस कर्मी मन के जांच के आदेश इहां पहुंचे रहिस। आदेश के बाद ए संबंध म काम घलो शुरू कर दे गे हे।

ज्ञात हो डीजीपी डीएम अवस्थी ह पुलिस कर्मी मन के स्वास्थ्य ल लेके चिंता जाहिर करे रहिस अऊ केहे रहिस कि अन्य शहर के तरह इहां घलो पुलिस जवान मन के संग अनहोनी न हो, एला देखत हुए पहले ले बतौर सुरक्षा कोरोना जांच कराए जाए। जेला लेके राजनांदगांव पुलिस ह कमर कसना शुरू कर दे हे अऊ जांच के कवायद घलो तेज हो चुके हे।