कोरबा। प्रधानमंत्री नरेन्द्र मोदी ह प्रयाग कुंभ के दउरान जे पांच सफाई कर्मी मन के अपन हाथ मन ले पैर धोए रहिस हे. ओमा छत्तीसगढ़ ले घलो एक स्वच्छता दूत रहिस हे, मोदी ए स्वच्छता दूत के पैर धोइस, बात करिन अउ उमन ल सम्मानित करिस. लेकिन एखर ले परे एक कड़ुवा सच ए घलो हे कि मोदी के ए स्वच्छता दूत ल प्रधानमंत्री योजना के ही लाभ न मिलत हे.
बात होवत हे, पीएम के हाथ मन ले सम्मानित होवइया स्वच्छता दूत के नाम ज्योति नाहरकरई. ज्योति कोरबा के गेवराघाट के रहइया हे. दरअसल ज्योति के ड्यूटी घलो प्रयागराज कुंभ म सफाईकर्मी के तउर म लगे हुए हे. ज्योति के संग उंखर परिवार के लोग घलो प्रयागराज म काम करत हे.
मोदी ह भले ही पैर धोके ज्योति ल प्रयागराज म सम्मानित करिस हे. लेकिन सफाईकर्मी ज्योति के पीड़ा ए हे, के उमन प्रधानमंत्री नरेन्द्र मोदी के योजना के लाभ नइ मिल पावत हे. ज्योति ल अभी तक स्थानीय नगरीय प्रशासन के ओर ले प्रधानमंत्री आवास योजना के लाभ नइ मिले हे. आर्थिक रूप ले कमजोर ज्योति के परिवार एला लेके बेहद निराश अउ दुःखी हवय.
दूसर ओर कोरबा नगर पालिक निगम के ओर ले ज्योति के सम्मान के तइयारी घलो चलत हे. निगम प्रशासन ज्योति ल सम्मानित करना चाहत हे. सबो ज्योति के प्रयागराज ले वापसी के इंतजार करत हे. वार्ड क्रमांक 2 के पार्षद विकास अग्रवाल के मानन तो कोरबा आत ही ज्योति के जोरदार स्वागत व सम्मान करे जाही. एखर तइयारी चलत हे. हालांकि उमन ज्योति ल पीएम आवास दिलाए के बात घलो करिस हे..
Other Articles
