chhattisgarh : संस्कार भारती रईपुर ह करीन कला गुरु सम्मान ले ममता चंद्राकर अउ योग मिश्र ल सम्मानित
जय जोहार…. (chhattisgarh) संस्कार भारती रईपुर डहार ले कला गुरु सम्मान-2021 प्रदान करे गे हे। ए सम्मान ल प्रदेस म लोक संगीत के क्षेत्र म इंदिरा गाँधी कला संगीत विश्वविद्यालय,खैरागढ़ के कुलपति पद्मश्री ममता चंद्राकर अउ रंगमंच के क्षेत्र म अतुलनीय योगदान बर योग मिश्र (अभिनेता नाट्य संस्था) ल दे गेहे
संस्था संस्कार भारती रईपुर ह (chhattisgarh) पद्मश्री ममता चंद्राकर ल ओखर निवास अउ योग मिश्र ल ओखर रिहर्सल स्थल रॉयल क्लब महादेवघाट म जाके ए सम्मान ल प्रदान करीन। कारीकरम के संचालन ल संस्कार भारती के प्रमुख दीपक व्यास ह करीन।
ए अवसर म प्रमुख रूप ले (chhattisgarh) अशोक चंद्राकर, योगेंद्र चौबे, शेखर शिवहरे, डॉ पुरषोत्तम चंद्राकर, डॉ चंदन अग्रवाल, श्यामल जोशी, रंजना गुरु, रजनी बाजपेई, पुनीत कृष्णा, आबिद अली, नीलिमा मिश्रा, जगदीश पाठक, गौतम पंड्या, मुक्ति बैस मौजूद रिहीन ।
