राखी के उपहार म भाई ले मांगिस शराब बंदी , भाजपा नेत्री सरोज पाण्डेय ह मुख्यमंत्री ल भेजिस राखी

जय जोहार रायपुर… राजनीती , प्रेम अऊ जंग म सब जायज हे ,  एक तरफ भाजपा ह कांग्रेस ल कोसत कोसत नई थकत हे त भाजपा के राष्ट्रीय महासचिव सरोज पाण्डेय ह रक्षा बंधन ल ले के प्रदेश के मुख्यमंत्री ल राखी भेजे हे अऊ अपन उपहार म प्रदेश म शराब बंदी के मांग घलो कर दे हे ,

लेकिन कांग्रेस ह कतना बार कह चुके हे कि कोरोना संकट काल म सरकार के पास राजस्व आय के शराब एक मात्र जरिया हे , अब देखना हे कि मुख्यमंत्री अपन राजनितिक बहिनी ल उपहार म का देथे , का मुख्यमंत्री राखी के बदले अपन बहिनी के मांग पूरा करही ये तो आय वाला समय बताही .