Chhollywood: सतनाम पंत के गीत होवत हे रिलीज, शशी रंगीला के स्वरबद्ध अऊ अभिनय ले सजे गीत करे जात हे पसंद

जय जोहार…. ( Chhollywood) छत्तीसगढ़ के लोकगायक शशी रंगीला के स्वर ले सजे गीत यू टयूब म धमाल मचात हे , ओखर नाव हे “सतनाम धरम ले के रहेंगे”
छत्तीसगढ़ म बाबा गुरु घांसीदास के अनुयायी मन के संख्या लाखों म हे जेन मन अपन गुरु के गीत ल खूब पसंद करथे , अवैयया 18 दिसंबर के बाबा के जन्मोत्सव हे जेला ले के कलाकार मन म उत्साह हे

गायक शशी रंगीला के पहिली के गीत मन ल दर्शक मन खूब पसंद करे हे अऊ यहु गीत ल बने प्यार देवत हे, (Chhollywood) शशी ह ये गीत के बारे म किहीस कि सतनाम पंत के बखान करत ये गीत महुं ल पसंद हे

बता दन कि (Chhollywood) ये गीत के निर्माण संतोष कुर्रे के मार्गदर्शन म अऊ दीपक कुर्रे के निर्देशन म करे गे हे जेमा शशी रंगीला के संग दुष्यंत जटवार , श्याम कुटेलिहा , रवि कुर्रे अऊ दीपक कुर्रे ह घलो अभिनय करे हे,

ये गीत के तकनीकी टीम म दीपक बावनकर , अज्जु चौहान, टामेश, रितेश चौहान अऊ सरोज कुर्रे के विशेष सहयोग रिहिस, कलाकार मन के मेकअप करे हे अंजू उरांव ह।