गरियाबंद जिला के सौरभ साहू ह बारहवीं के प्रावीण्य सूची में हासिल करिन चौथा स्थान, एसपी भोजराम पटेल ह करिन उज्जवल भविष्य के कामना

जय जोहार…. छत्तीसगढ़ माध्यमिक शिक्षा मंडल ह आज बारहवीं बोर्ड के परीक्षा परिणाम ल घोसित करे हे।

एमा गरियाबंद जिला के सौरभ साहू ह प्रावीण्य सूची म चौथइया स्थान प्राप्त करे हे। ओला बारहवीं म 96.2 प्रतिशत अंक प्राप्त होय हे।
सौरभ ह गरियाबंद जिला के अमलीपदर, कोटोभाठा के रहवइया हे अऊ भिलाई के शकुंतला विद्यालय ले बारहवीं बोर्ड के परीक्षा म 96.2 प्रतिशत अंक ले के अपन जिला के नाम ल रोशन करे हे।

सौरभ क पिता खिलावन साहू ह एक कृषक हे अऊ माता ह स्वास्थ्य कर्मी हे। बता दन कि सौरभ ह दसवीं बोर्ड परीक्षा म 91.1 प्रतिशत अंक प्राप्त करे रिहिस।
जिला के पुलिस अधीक्षक भोजराम पटेल ह दसवीं अऊ बारहवीं के परीक्षा म सफल विद्यार्थी मन ल अपन बधाई अऊ शुभकामना दे हे। प्रावीण्य सूची म स्थान बनइया विद्यार्थी मन ल अपन बधाई संदेस म पुलिस अधीक्षक श्री पटेल ह कहिन कि खूब पढ़ो, आगू बढ़ो, अपन परिवार, जिला अऊ प्रदेश के गौरव बढ़ाओं।

पुलिस अधीक्षक ने ए परीक्षा म सकारात्मक परिणाम नई पवइया सब्बो विद्यार्थी मन निराश नई होवत हुये फेर ले मन लगा के मेहनत करने के सुझाव घलो दे हे।