20 सितंबर के होही “सउत सउत के झगरा” रिलीज

भरपूर कॉमेडी अउ पारिवारिक मनोरंजन के संग 20 सितंबर के छत्तीसगढ़ी फिलिम सउत सउत के झगरा रिलीज होही ।
जितेंद्र अउ लक्की फिल्मस प्रोडक्शन द्वारा एखर निर्माण होय हे , नारी प्रधान ये फिलिम म संजू साहू, उर्वशी अउ जागेश्वरी मेश्राम के मुख्य भूमिका आये , कहानी अउ निर्देशन के काम तिलक राजा साहू ह करे हे।

एखर गीत के रचना करे हे सलाम इरानी, जगदीश महंत अउ केशव सिन्हा ह।सउत सउत के झगरा म तीनों अभिनेत्री मन के संवाद अदायगी दर्शक मन ला खूब पसंद आही। फिल्म म सेवक राम , दीपक कुमार, अंजना दास, निशा चौबे, संगीता निषाद, यशवंत साहू , लता खापर्डे समेत बड़ अकन कलाकार मन नजर आही।