जय जोहार। (Raipur) प्रदेस के सबो नगरीय निकाय म श्री धनवंतरी जेनेरिक मेडिकल स्टोर योजना के तहत जेनेरिक दवा के दुकान के संचालन करे जात हे । ए दुकान म देस के ख्याति प्राप्त कंपनी के जेनेरिक दवाई 50 ले 70 प्रतिशत कमती कीमत म उपलब्ध हे । धन्वंतरी दवा दुकान म सर्दी, खांसी, बुखार, ब्लड प्रेशर, इन्सुलिन के संग गंभीर बीमारी के दवा, एंटीबायोटिक, सर्जिकल आईटम घलो रियायती मूल्य म जरूरतमंद ल उपलब्ध कराए जात हे ।
मुख्यमंत्री भूपेश बघेल के पहल म नगरीय प्रसासन अउ विकास विभाग डहार ले श्री धनवंतरी जेनेरिक मेडिकल स्टोर योजना ल 20 अक्टूबर 2021 ले सुरू करे गेहे । ए योजना के तहत राज्य के सबो 169 नगरीय निकाय म 194 श्री धनवंतरी मेडिकल स्टोर खोले गेहे । सासकीय चिकित्सक ल अस्पताल म इलाज बर अवइया मरीज ल जेनेरिक दवाई लिखना अनिवार्य करे गेहे । योजना ले अब तक 135.33 करोड़ रुपिया एम.आर.पी. के दवा के विक्रय म 81 करोड़ 97 लाख रुपिया के छूट जरूरतमंद मनखे मन ल दे गेहे ।
गौरतलब हे कि प्रदेस के विभिन्न नगरीय निकाय म संचालित धनवंतरी जेनेरिक मेडिकल के दुकान ले 44 लाख 48 हजार ले जादा नागरिक ल सस्ती दवा खरीदे हे । जेखर ले मनखे मन ल काफी राहत मिले हे अउ कमती मूल्य म दवा उपलब्ध होय ले बचत होवत हे । श्री धनवंतरी जेनेरिक मेडिकल स्टोर म दवा के उपलब्धता अउ संचालन व्यवस्था के निगरानी नगरीय प्रसासन मंत्री डॉ. शिवकुमार डहरिया ह करत रहत हे ।
Other Articles
Haat-Bazar Clinic : प्रदेस म अब तक 82 लाख मनखे मन के होइन इलाज
