chhattisgarh : एससीईआरटी ह अब पालक मन बर घलो पुस्तक लिखे के करही काम, पढ़व
जय जोहार…. (chhattisgarh) राज्य सैक्षिक अनुसंधान अउ प्रसिक्षण परिसद् (एससीईआरटी) ह अब लइका के आलावा पालक मन बर घलो पुस्तक लिखे के काम करही। प्रौढ़ सिक्षार्थी मन के आवश्यकता के आंकलन कर अब ओमन न घलो बुनियादी साक्षरता अउ गणित सिखाए जाही। एखर बर प्रदेस के 32 लेखक मन के पैनल डहार ले लेखन काम सुरु कर दे गेहे।
न्यू इंडिया लिटरेसी प्रोग्राम के तहत राज्य साक्षरता केंद्र (एसपीएल) प्रकोष्ठ ल एससीईआरटी म स्थापित करे गेहे। ((chhattisgarh) ) सबने पहिले प्रौढ़ सिक्षार्थी मन ल राष्ट्रीय शिक्षा नीति के मापदंड के अनुरूप लर्निंग आउटकम्स (सीखने के प्रतिफल) के 13 बिंदु ल धियान म रख के एक ठन नवा प्रवेसिका तैयार करे जात हे ।
ए कारीकरम म बुनियादी साक्षरता अउ गणितीय कौशल, जीवन कौसल, बुनियादी शिक्षा, सतत् शिक्षा के अंतर्गत डिजिटल साक्षरता, कानूनी साक्षरता, वित्तीय साक्षरता जइसे उपयोगी बिसय ल सामिल करे गेहे। ((chhattisgarh) ) एससीईआरटी अउ राज्य साक्षरता मिसन प्राधिकरण के संयुक्त परयास ले बस्तर संभाग ले सरगुजा संभाग तक लेखन काम करइया रचनाकार अउ सिक्षक मन ल लेखन काम बर जिम्मेदारी सौंपे गेहे।
