जय जोहार…. (chhattisgarh) स्कूली लईका मन ल शिक्षा के संगेसंग हुनरमंद घलो बनाए जाही । कक्षा 6वीं ले 8वीं के लईका मन ल महीना म 10 दिन स्थानीय कलाकार मन ह सिल्प अउ व्यवसायिक कौसल के प्रसिक्षण देही । लईका मन ल आनंददायी सिक्षा दे बर मूर्तिकला, चित्रकला, संगीत, लोक-नृत्य, बढ़ाईगिरी, बांस सिल्प, बिजली के काम, पाईपलाइन काम, धातु सिल्प, बागवानी, मिट्टी के बर्तन के निर्माण के प्रसिक्षण दे जाही।
स्कूल शिक्षा विभाग डहार ले राष्ट्रीय शिक्षा नीति म कक्षा 6वीं ले 8वीं तक के लईका मन बर महीना म 10 दिन बिना बस्ता के स्कूल जाय के परिकल्पना के अनुरूप काम योजना बनाए गेहे। प्रदेस (chhattisgarh) के हरेक जिला म स्कूली लईका मन ल स्थानीय कला के बिसेस प्रसिक्षण दे बर 60-60 स्कूल के चयन करे जाही।
स्कूली लईका मन ल मूर्तिकला, चित्रकला, संगीत, लोक-नृत्य के प्रशिक्षण दे बर स्थानीय स्तर पर इच्छुक कलाकार मन के सेवा ले जाही। (chhattisgarh) स्थानीय सामुदाय अउ पालक मन ले सहमति म स्कूली लईका मन ल ओखर डहार ले चयनित कला के प्रसिक्षण दे जाही, एमा स्थानीय सामुदाय के घलो सहयोग ले जाही।
