पंखाजूर । केंद्र ले लेके राज्य सरकार ह स्कूल चलव अभियान ले जादा ले जादा लइका मन ल बेहतर सिक्छा दे बर जोर लगाव हे अउ प्रचार प्रसार करे के लइका मन ल स्कूल बुलाय जाथे। हर बछर ये अभियान के प्रचार प्रसार म करोड़ो रूपिया पानी के तरह बह जाथे। लेकिन स्कूल मन के खस्ताहाल ल देख के अभियान के सफलता म प्रस्न चिन्ह लग जाथे। ग्रामीन इलाका म जाके देखव तो पता चल जाही के कइसे लइका मन अपन जान ल जोखिम म डाल के स्कूल जाथे। अइसे नइए के नवा स्कूल भवन बनना बंद होगे हे। बनथे जरूर लेकिन भ्रष्टाचार के चलत दीवार मन म दरार, छत मन ले पानी चुहना आम बात हे।
कांकेर जिला के पंखाजूर के तीर ग्राम पंचायत कल्ल्यांपुर के पीव्ही 16 म पूरव माध्यमिक शाला के भवन आज ले 7 से 8 बछर पहिली बनाय गे रहिस हे। ये स्कूल आज खस्ताहाल म हे। येकर छत के प्लास्टर उखड़ के गिरत जात हे। ये बछर म त पहिली बारिस ल भवन संभाल नइ पाइस. अउ छत ले पानी टपकन लगिस हे। येखर सेती लइका मन ल एक जगा म बइठाय गिस, इहीं दउरान छत को प्लास्टर गिरे ले एक लइका ह बाल बाल बच गे।
स्कूल म करीबन 60 लइका मन पढ़त हे। अब पालक मन डर बइठ गेहे के लइका मन के संग स्कूल म कोनो अनहोनी न होवय अउ सुरक्षित लउट आवय। अइसे नइए के सिक्छा बिभाग के आला अधिकारी ल भवन के संबंध म पता नइए । उमन ह अइसन मामला म गंभीरता ले धियान नइ देवय। ।आज नॉनिहाल जान हथेली म रखके स्कूल म पढ़े बर मजबूर हे ।
स्कूल के प्रधान पाठक ह भवन के मरम्मत बर सरपंच ल जानकरी दीस। उहें गांव के शिबू, झन्तु, सुकान्त बिस्वास, खगेन, कांत, बिपुल पटेल आदि मन ह भवन के मरम्मत कराय बर सरपंच ल कहिन। लेकिन सरपंच ह कोनो पहल नइ करिस।
ये संबंध म जनपद पंचायत अंतागढ़ के सीईओ के कहिना हे के उमन ल ये संबंध म कोनो जानकारी नइए न तोगांव वाले मन ह लिखित म सिकायत करे हे न ही सरपंच ह। अगर सिकायत आही त तुरंते च सरपंच ल आदेस देके भवन के मरम्मत करवाय जाही।

पंखाजूर । केंद्र ले लेके राज्य सरकार ह स्कूल चलव अभियान ले जादा ले जादा लइका मन ल बेहतर सिक्छा दे बर जोर लगाव हे अउ प्रचार प्रसार करे के लइका मन ल स्कूल बुलाय जाथे। हर बछर ये अभियान के प्रचार प्रसार म करोड़ो रूपिया पानी के तरह बह जाथे। लेकिन स्कूल मन के खस्ताहाल ल देख के अभियान के सफलता म प्रस्न चिन्ह लग जाथे। ग्रामीन इलाका म जाके देखव तो पता चल जाही के कइसे लइका मन अपन जान ल जोखिम म डाल के स्कूल जाथे। अइसे नइए के नवा स्कूल भवन बनना बंद होगे हे। बनथे जरूर लेकिन भ्रष्टाचार के चलत दीवार मन म दरार, छत मन ले पानी चुहना आम बात हे।
कांकेर जिला के पंखाजूर के तीर ग्राम पंचायत कल्ल्यांपुर के पीव्ही 16 म पूरव माध्यमिक शाला के भवन आज ले 7 से 8 बछर पहिली बनाय गे रहिस हे। ये स्कूल आज खस्ताहाल म हे। येकर छत के प्लास्टर उखड़ के गिरत जात हे। ये बछर म त पहिली बारिस ल भवन संभाल नइ पाइस. अउ छत ले पानी टपकन लगिस हे। येखर सेती लइका मन ल एक जगा म बइठाय गिस, इहीं दउरान छत को प्लास्टर गिरे ले एक लइका ह बाल बाल बच गे।
स्कूल म करीबन 60 लइका मन पढ़त हे। अब पालक मन डर बइठ गेहे के लइका मन के संग स्कूल म कोनो अनहोनी न होवय अउ सुरक्षित लउट आवय। अइसे नइए के सिक्छा बिभाग के आला अधिकारी ल भवन के संबंध म पता नइए । उमन ह अइसन मामला म गंभीरता ले धियान नइ देवय। ।आज नॉनिहाल जान हथेली म रखके स्कूल म पढ़े बर मजबूर हे ।
स्कूल के प्रधान पाठक ह भवन के मरम्मत बर सरपंच ल जानकरी दीस। उहें गांव के शिबू, झन्तु, सुकान्त बिस्वास, खगेन, कांत, बिपुल पटेल आदि मन ह भवन के मरम्मत कराय बर सरपंच ल कहिन। लेकिन सरपंच ह कोनो पहल नइ करिस।
ये संबंध म जनपद पंचायत अंतागढ़ के सीईओ के कहिना हे के उमन ल ये संबंध म कोनो जानकारी नइए न तोगांव वाले मन ह लिखित म सिकायत करे हे न ही सरपंच ह। अगर सिकायत आही त तुरंते च सरपंच ल आदेस देके भवन के मरम्मत करवाय जाही।