ई-क्लास के फीस घलो नई वसूल सकत हे स्कूल प्रबंधन

जय जोहार…. रायपुर म स्कूल के फीस वसूली म राज्य सरकार ह रोक लगा दे हे। अब स्कूल प्रबंधन ह पालक मन ल फीस पटाय ल कोनो भी प्रकार के लिखे या टेलीफोनिक संदेस नई भेज सकही। जिला शिक्षा अधिकारी ह आज एक पत्र जारी कर जिला के सब्बो स्कूल ल फीस वसूली ल स्थगित रखे के निर्देश दे हे।

जिला शिक्षा अधिकारी ह पत्र म केहे हे कि लॉकडाउन के अवधि तक ए निर्देश ह लागू रही। एखर तर्क देवत हुये वो हा कहिन कि स्कूल के फीस के मांग ले पालक अऊ लईका मन ल परेशानी न हो। एखर संग जिला के स्कूल म पालक मन के बइठक के आयोजन ल फिजिकली करने म घलो रोक के निर्देश दे हे।