मुंगेली….स्कूल के टाइम म बदलाव…. 7:30 बजे के जगा  8 बजे  लगही प्रथम पाली

नवनीत शुक्ला

मुंगेली। वापसी के बेरा म ठंड ह कहर बरपत हे।  परदेस समेत जिला म सीतलहर के चलत कलेक्टर ह स्कूल के समय म बदलाव करे के आदेस जारी करिस हे।

सीतलहर ल धियान म रखत हुए मुंगेली कलेक्टर डोमन सिंह  ह जिला म संचालित शासकीय, अर्द्ध शासकीय अउ अनुदान प्राप्त शाला मन म प्रथम पाली के संचालन के समय बिहनिया 7 :30 बजे के जगा म 8 बजे ले अपरान्ह 11.30 बजे तक करे हे। छात्र हित म कलेक्टर कार्यालय ले जारी ए आदेस ल  तत्काल प्रभाव ले लागू करे बर कहे गेहे। उहें ए आदेस 10 फरवरी तक प्रभावसील रहही। जेखर बाद 11 फरवरी ले फेर   पूर्व निर्धारित समय म शाला संचालन करे जाही।