chhattisgarh म अवइया 2 अगस्त ले फेर खुलही स्कूल, प्रदेस सरकार ह जारी करीन दिसा-निर्देस, पढ़व
जय जोहार…. (chhattisgarh) प्रदेस सासन ह अवइया 2 अगस्त ले फेर ले स्कूल ल सुरु करे के निर्देस जारी कर देहे। एक ठिन लम्बा अंतराल के बाद स्कूल म रौनक लहुटही। प्रदेस सरकार डहार ले जारी दिसा-निर्देस म जिला म सरलग सात दिन तक कोरोना पॉजिटिविटी रेट ह एक ठिन प्रतिसत ले कमती रहे म ही कक्षा 10वीं अउ 12वीं ल सुरु करे के अनुमति दे गे हे। .
सहरी क्षेत्र म पालक समिति के अनुमति के आलावा सहरी इलाका में वार्ड पार्सद अउ ग्रामीण इलाका म पंचायत के लिखित सहमति के बाद ही पहली, पांचवीं अउ आठवीं कक्षा ल सुरु करे जाहि। ये सहमति ह 2 अगस्त ले पहले मिल जाना चाही। (chhattisgarh) एखर आलावा स्कूल साफ अउ स्वच्छ रही। सिरिफ 50 प्रतिसत छात्र मन ल ही एक दिन के अंतराल म स्कूल बुलाए जाहि। ऐखर संग स्कूल म बुखार, सर्दी अउ खांसी के जांच के व्यवस्था करना होही।
(chhattisgarh) सिरिफ अइसे छात्र अउ सिक्षक मन ल स्कूल म आय के अनुमति होही, जे मन ल ये समस्या नई हे। एखर आलावा स्कूल म प्रवेस ले पहले चेकिंग के दउरान सोसल डिस्टेंसिंग के पालन करना होही। जांच के दउरान धूप अउ बरसा ले बचाव बर घलो व्यवस्था करना होही।
