मेहनतकश किसान मन ल सक्षम बनाए म विज्ञान, प्रौद्योगिकी अउ कृषि वैज्ञानिक मन के हे महत्वपूर्ण योगदानः मंत्री रामविचार नेताम
रायपुर : आज इंदिरा गांधी कृषि विश्वद्यालय के 39वां स्थापना दिवस का समारोह होइस. जेला संबोधित करत कृषि विकास किसान कल्याण मंत्री रामविचार नेताम ह कहिन कि मेहनतकश किसान मन ल सक्षम बनाए म विज्ञान, प्रौद्योगिकी अउ कृषि वैज्ञानिक मन के महत्वपूर्ण योगदान हे। एखरे परिणाम हे कि आज किसान उन्नत कृषि तकनीक के उपयोग करके आत्मनिर्भर बनत हे। ओमन ह कहिन कि मुख्यमंत्री विष्णु देव साय के नेतृत्व म हमर सरकार किसान मन के उन्नति अउ समृद्धि बर निरंतर कार्य करत हे। हमर सरकार देश के अन्य राज्य के तुलना म किसान मन ल धान के वाजिब मूल्य प्रदान करके उखर सम्मान बढ़ायिन हे।
ए मौके म विश्वद्यालय ह मंत्री रामविचार नेताम ल राज्य सरकार के किसान हितैषी नीती के क्रियान्वयन म उत्कृष्ट योगदान बर लॉइफ टाइम अचीवमेंट पुरस्कार ले सम्मानित करे गिस। संग म कृषि अउ शोध के क्षेत्र म उत्कृष्ट योगदान बर कुलपति डॉ. गिरिश चन्देल, किसान नारायण भाई चावड़ा, शिक्षक बी.आर. चन्द्रवशी अउ डॉ. एम.एन श्रीवास्तव घलो लॉइफ टाइम अचीमेंट पुरस्कार ले सम्मानित होइस। मंत्री नेताम ए अवसर म ‘‘कृषि, विज्ञान अउ प्रौद्योगिकी बर वैश्विक अनुसंधान पहल’’ विषय म आयोजित तीन दिवसीय अंतर्राष्ट्रीय सम्मेलन के शुभारंभ करिन।
कृषि मंत्री नेताम ह अंतर्राष्ट्रीय सम्मेलन ल संबोधित करत कहिन कि प्रदेश सहित देश के किसान मन ल कृषि अउ उ़द्यानिकी क्षेत्र म अउ कइसे सक्षम बनाए जाए, ए दिशा म कृषि वैज्ञानिक अउ शोधार्थी मन ल सोचे के जरूरत हे हमर सरकार किसान मन ल सक्षम बनाए बर किसान हित म बहुत अकन फैसला लेय हे। हमर सरकार ह किसान मन के प्रति एकड़ 21 क्विटल अउ 31 सौ रूपए प्रति क्विंटल के मान धान खरीद कर किसान मन ल देश म सर्वोच्च कीमत प्रदान करच हे। उहें किसान मन ले करे गे वायदा के मुताबिक लगभग 3800 करोड़ रूपया के बोनस राशि घलो प्रदान करे गे हे। एखर ले प्रदेश के किसान आर्थिक रूप ले समृद्ध होय हे।
मंत्री नेताम ह कहिन कि केशर, अखरोट सहित अन्य चिन्हाकिंत फसल मन बर जम्मू-कश्मीर के अपन एक अलग पहिचान हे। ए पहचान उहां के मेहनतकश किसान मन के परिश्रम ले बने हे। उहें के किसान कॉपरेटिव सेक्टर बनाके अउ एग्रो ले जुड़के कोन तरह ले उन्नत कृषि करत हे। कार्यशाला म एखर बारे म घलो जाने अउ समझे ल मिलहि ओमन इंदिरा कृषि विश्व विद्यालय के 39वें स्थापना दिवस अउ कार्यशाला बर बधाई अउ शुभकामाना दिन कार्यशाला ल इंदिरा गांधी कृषि विश्वविद्यालय के कुलपति डॉ. गिरिश चन्देल ह संबोधित करिन। कार्यशाला इंदिरा गांधी कृषि विश्वविद्यालय, रायपुर अउ राष्ट्रीय कृषि विकास सहकारी लिमिटेड, बरामूला के संयुक्त तत्वावधान म आयोजित करे गिस।
