chhattisgarh: प्रदेश सरकार के गोधन न्याय योजना ल मिलिस स्कॉच गोल्ड अवार्ड

जय जोहार…. (chhattisgarh) प्रदेश सरकार के गोधन न्याय योजना ल पर्यावरण संरक्षण अऊ सतत् विकास म उत्कृष्ट योगदान बर स्कॉच गोल्ड अवार्ड ले सम्मानित करे गे हे। स्कॉच ग्रुप के तरफ ले छत्तीसगढ़ के गोधन न्याय योजना ल 20 मार्च के दिल्ली म ये अवार्ड प्रदान करे गे हे।

ए उपलब्धि बर सीएम भूपेश बघेल ह प्रदेश वासी अऊ राज्य शासन के कृषि विकास, कृषक कल्याण अऊ जैव प्रौद्योगिकी के अधिकारी अऊ कर्मचारी मन ल बधाई अऊ सुभकामना दे हे।

उल्लेखनीय हे कि (chhattisgarh) सीएम के पहल म हरेली पर्व म 20 जुलाई ले गोधन न्याय योजना ल सुरू करे गे हे। ए योजना म पशुपालक अऊ ग्रामीण मन ले 2 रुपया प्रति किलो के दर म गोबर खरीदी करे जावत हे। खरीदे गे गोबर ले गौठान म महिला स्व सहायता समूह के तरफ ले वर्मी कम्पोस्ट बनाये जावत हे। योजना के सुरू ले अब तक खरीदे गे गोबर के पशुपालक अऊ ग्रामीण मन ल 88 करोड़ रुपया के भुगतान करे जा चुके हे।

बता देन कि (chhattisgarh) स्कॉच ग्रुप ह सामाजिक, आर्थिक मुद्दा म काम करइया भारत के अग्रणी थिंक टैंक हे। ये ग्रुप भारत ल एक बेहतर राष्ट्र बनाये बर अलग-अलग क्षेत्र म उतकृष्ट योगदान देवइया व्यक्ति, परियोजना अऊ संस्था ल सम्मानित करत हे।