अवैध कालोनी मन उपर चलिस एसडीएम के बुलडोजर
मुंगेली. लोगन के सपना के संग खिलवाड़ करइया मन उपर ताबड़तोड़ कार्यवाही के चलत नगर अउ आसपास के अवैध कॉलोनाइजर मन म थोड़ा लगाम लगाए के जे कोशिश करे गिस हे. वो प्रशासन के लोग मन म जागरूकता लाए के एक सुग्घर प्रयास हे,
जिला बनने के लगभग 7 बछर बाद जे कदर अवैध कालोनी बनइया अउ जमीन काट के बेचइया के हउसला बुलंद होय लगे रिहिस हे. जेमा कुछु अंकुश लगाए के उद्देश्य ले कलेक्टर के निरदेस म मुंगेली एसडीएम ह ये लोग मन उपर कार्यवाही करिस हे, जेथक चलत मासूम लोग मन के चेहरा मन म कुछु सुकुन के झलक नजर आईस. विगत एक अरसा ले ये अवैध कालोनी डेवलप करइया लोग मन ह किसान मन ल थोड़कर पइसा के लालच देके उंखर जमीन मन ल अनाप सनाप कीमत म बेचेत रिहिस हे.
ये कॉलोनाइजर सरकारी जमीन मन म घलो हाथ सेके ले बाज नई आवत रिहिस हे, जेखर सिकायत कई बेर करे गिस. य बाहुबली दबंग लोग मन के खेलाफ कोनो ठोस कदम नई उठाय जात रिहिल हे, विगत दिन मन म एक मामला घलो प्रकासित करे गिस जेखर उपर अब्बड़ देर बाद कार्यवाही करे गिस. ये कॉलोनाइजर मन ह टाऊन एन्ड कंट्री प्लानिंग के निर्धारित नियम मन ल ताक म रख के मनमाना ढंग ले कार्य ल अंजाम दिस दे जात रिहिस हे, ज शासन ले सोझे तउर म राजस्व के नुकसान हे.
कुछु महीना पहिली एक कॉलोनाइजर ह कृषि भूमि ल आबादी बताके बेचिस हे. जब खरीददार ह बैंक ऋण के पहल करिस त जाके मामला उजागर होइस हे, ये मामला म घलो काफी मसक्कत के बाद पीड़ित ल न्याय के आस जग पाईस हे.
