एक अऊ बायोपिक के चलत हे तैय्यारी , विषय हे शहीद वीर नारायण सिंह , होही छत्तीसगढ़ के दूसर बायोपिक

दीपक बावनकर@रायपुर छत्तीसगढ़ी फिलिम इंडस्ट्रीज म एक अऊ बायोपिक फिलिम के आगाज होने वाला हे ,विषय होही राज्य के पहिली स्वतंत्रता संग्राम सेनानी शहीद वीर नारायण सिंह , आपला बता दन कि पहिली बायोपिक नाचा के जनक दाऊ मंदरा जी के उपर बने रिहिस ,फिलिम ल पसंद तो करे गिस लेकिन व्यावसायिक दृष्टिकोण ले फिलिम ह पिछड़ गिस खैर अब वो फिलिम ह टैक्स फ्री घलो हो गे हे ,जेखर ले फिलिम ह राज्य म लगे वाला 6% जी एस टी ले मुक्त हो गे हे

वीरनारायण सिंह फिलिम ल बनावत हे दुर्गा मल्टी मीडिया फिल्म मेकर कम्पनी ह ,जेमा मार्गदर्शन अऊ सहयोग देवत हे निर्देशक योग मिश्र जी ह, एखर निर्देशन टीम म दीपक विराट अऊ निखिल पाठक हावे कैमरामैन कोन बनेगा करोडपति के हे , ये फिलिम म छालिवुड अऊ बालीवुड के कलाकार मन बड संख्या म हो सकत हे ,बता दन  कि ये फिलिम दीपक विराट के ड्रीम प्रोजेक्ट आये , दीपक विराट ह हबीब तनवीर साहब संग घलो काम करे हे , एखर शूटिंग मार्च म सोनाखान ले शुरू होही