आधा रात ले उमर अउ महबूबा नजरबंद, घाटी म स्कूल-कॉलेज के छुट्टी, कई जिला म धारा 144 लागू
श्रीनगर। जम्मू-कश्मीर के मौजूदा हालात के बीच रविवार रात 12 बजे श्रीनगर म तीनों पूर्व मुख्यमंत्री फारूक अब्दुल्ला, उमर अब्दुल्ला अउ महबूबा मुफ्ती ला नजरबंद कर दे गे हे।
ख्रबर मिले हे कि सुरक्षा के नजर ले संवेदनशील बने जम्मू-कश्मीर म रात 12 बजे धारा-144 लागू कर दे गे हे। प्रशासन हा केहे हे कि राज्य म रैली म घलो रोक लगा दे गे हे। साथ ही मोबाइल इंटरनेट बंद कर दे गे हे। सोमवार ले राज्य म सबो स्कूल-कॉलेज बंद रहीं।
किश्तवाड़, राजौरी अउ रामबन जिला के बनिहाल क्षेत्र म रात म कर्फ्यू लगाए गे हे। सरकार हा एहतियात बर रविवार आधा रात ले श्रीनगर समेत कई जिला मन म धारा 144 लागू कर दे हे।
आदेश के मुताबिक, कोनो भी तरह ले जनसभा या रैली करे म बिलकुल प्रतिबंध रही। जम्मू, किश्तवाड़, रिसाई, डोडा अउ उधमपुर जिला म स्कूल अउ कॉलेज सोमवार के घलो बंद रहीं।
कश्मीर घाटी म मोबाइल इंटरनेट सेवा ला निलंबित कर दे गे हे। पुलिस अधिकारी अउ जिला मजिस्ट्रेट मन ला सैटेलाइट फोन दिए गे हे। श्रीनगर के सीमा म बैरिकेड्स लगाए गे हे। संवेदनशील क्षेत्र मन म दंगा नियंत्रण वाहन मन ला भी तैयार रखे गे हे।
