स्व-सहायता समूह महिला सशक्तिकरण बर कारगर : सिंहदेव

अम्बिकापुर: छत्तीसगढ़ शासन के पंचायत अउ ग्रामीण विकास, लोक स्वास्थ्य अउ कुटुंब कल्याण, चिकित्सा शिक्षा, योजना, आर्थिक अउ सांख्यिकी, बीस सूत्रीय, वाणिज्यिकर जीएसटी. मंत्री टीएस. सिंहदेव के मुख्य आतिथ्य म छत्तीसगढ़ राज्य ग्रामीण आजीविका मिशन बिहान के अंतर्गत आदिशक्ति आजीविका विकासखंड संगठन लुण्ड्रा के शुभारंभ होइस।

श्री सिंहदेव ह ए दौरान अम्बिकापुर म राज्य ग्रामीण आजीविका मिशन बिहान के जिला स्तरीय फेडरेशन भवन बर स्वीकृती प्रदान करिन। संगेच किसान ऋण माफी के तहत सांकेतिक रूप ले 10 किसान मन ल ऋण माफी प्रमाण पत्र अउ राष्ट्रीय कुटुंब सहायता कार्यक्रम के तहत 4 हितग्राही मन ल 20-20 हजार रुपिया के सहायता राशि के चेक बांटिन।

मुख्य अतिथि के आसंदी ले कार्यक्रम ल संबोधित करत श्री सिंहदेव ह कहिन कि समाज म महिला मन ल आर्थिक रूप ले सशक्त बनाए बर समूह के माध्यम ले संगठित करके सुदृढ़ करना जरूरी हे। उमन कहिन के शासन ग्रामीण आजीविका मिशन के तहत समूह के माध्यम ले महिला मन ल सामाजिक अउ आर्थिक सशक्तिकरण के दिशा म पहल करत हे।