नवनीत शुक्ला, मुंगेली। जिला के सियान मन ल अपन अधिकार व सुरक्छा बर जगरुक करे बार जिला स्तरीय कार्यसाला के आयोजन पुलिस अउ समाज कल्याण विभाग ह करिस हे। जेमा बड़ संख्या म सियन मन हाजिर होइन । ये आयोजन ह सियान मन ला उखर अधिकार अउ सुरक्छा के प्रति जगरूक करना करे के उद्देस्य ले करे ग्स हे ।
आज के बड़ लइका मन ह खासकर के जे घर म बड़ सियान मन के अपमान होवत हे अउ उखर जे तरह ले अनदेखी करे जात हे। ये सबो ल देखत हुए सियान मन ल ओखर अधिकार व सुरक्छा के जानकारी दे बर ये आयोजन करे गिस। ये अवसर म पुलिस अधीक्षक पारुल माथुर ह कहिन के अइसन आयोजन होय ले सियान मन म सुरक्छा के भावना जागही अउ उमन ह अपन अधिकार ल जानही। ये जानकारी उमन ल होय ले समाज म ओखर संग होत आपराधिक मामला म कमी आही।
