पूर्व विधायक के बेटा समेत 19 झन ल एक साल के सजा

रायगढ़। साल 2008 के विधानसभा चुनाव म एक राजनीतिक झड़प के मामला म पूर्व विधायक विजय अग्रवाल के बेटा भरत अग्रवाल समेत 19 लोगन ल एक साल के सजा हो गे हे। ये प्रकरण म सीजेएम रायगढ ह जम्मो झन ल एक साल के कारावास के सजा सुनईन हे। इखर मन ऊपर चक्रधर नगर थाना म सरकारी काम म बाधा डाले अउ बलवा के आरोप हे।

साल 2008 के विधानसभा चुनाव के दउरान चक्रधरनगर थाना म घूसके विवाद अउ सरकारी काम म बाधा डाल के बलवा करे रिहिस। ये मामला म जम्मो झन ल एक साल के कारावास के सजा सुनईस तेकर बाद जम्मो झन ल जमानत घलो मिल गे।