Sessions court म रिया अऊ ओखर भाई शौविक के जमानत याचिका हो गे खारिज

जय जोहार…. सेशंस कोर्ट (Sessions court) म ड्रग मामला म रिया चक्रवर्ती के जमानत याचिका ह खारिज हो गे हे। अब रिया चक्रवर्ती ल 22 सितंबर तक जेल म रहे ल होही। रिया के संग ओखर भाई शौविक चक्रवर्ती के घलो जमानत याचिका ह खारिज हो गे हे।

बता दन कि गत दिनों रिया चक्रवर्ती ल गिरफ्तार करे के बाद कोर्ट ह ओला 14 दिन के न्यायिक हिरासत म भेज दे रहिस, लेकिन दुनो ह (Sessions court) जमानत के याचिका दायर करे रहिस।

(Sessions court) कोर्ट म गुरुवार के सबो सुनवाई ह पूरा हो चुके रहिस। जेखर बाद कोर्ट ह फइसला ल सुरक्षित रख ले रहिस। आज शुक्रवार के कोर्ट ह सुरू होवत ही जमानत याचिका म फइसला सुनात हुये ओला खारिज कर दिस।