Corona: बिलासपुर जिला में फेर मिले हे कोरोना संक्रमित सात नवा मरीज, सक्रिय मामले ह बाढ़ के होइस 14

जय जोहार…. छत्तीसगढ़ के बिलासपुर जिला म इतवार के कोरोना (corona) संक्रमित सात नवा मरीज मिले हे। जिला म अब एक्टिव मामले ह बाढ़ के 14 हो गे हे।
मुख्य चिकित्सा अउ स्वास्थ्य अधिकारी डॉ प्रमोद महाजन के अनुसार बिलासपुर म मिले दू नवा कोरोना (corona) संक्रमित मरीज ह किर्गिस्तान ले आय बताय जावत हे, जे मन ल क्वारेंटाइन करे गे रिहिस। ऊहचे जिला म छह साल के लईका कोरोना संक्रमित मिले हे।
ए लईका ह अपन परिवार समेत फतेहपुर, उत्तरप्रदेश ले लहुटे रिहिस। जेला डॉ. भीमराव अंबेडकर अस्पताल रायपुर म भर्ती करे गे रिहिस। एखर आलावा बिल्हा म दू अउ कोरोना संक्रमित मरीज के पहचान होय हे, जेन उत्तर प्रदेश के कानपुर शहर ले ट्रेन ले बिलासपुर पहुंचे रिहिस।
ऊहचे एक मरीज ह सूरत, गुजरात ले आय रिहिस। मस्तुरी म आगरा ले आय महिला ह संक्रमित पाय गे हे।

बिलासपुर जिला म घलो एक बार फेर नवा मरीज मिले के बाद एक्टिव मरीज मन के संख्या ह बाढ़ के 14 हो गे हे।
अब तक जिला म कोरोना (corona) पाजिटिव सैंपल 180 पाय गे हे। जेमा ले 163 लोगन मन ल स्वस्थ होय के बाद डिस्चार्ज कर दे गे हे। ऊहचे जिला म अब तक तीन लोगन मन के मौत हो गे हे।