जय जोहार…. गरियाबंद (gariaband) जिला म कोरोना संक्रमित मरीज मन के संख्या ह सरलघा बाढ़त जावत हे।
ए जिला म पिछिले 24 घंटा म कोरोना के सात नवा मामला ह सामने आय हे।
जबकि बीते तीन दिन म 21 नवा मरीज सामने आ चुके हे। जिला म कोरोना संक्रमित मरीज मन के संख्या ह बाढ़ के 115 पहुंच गे हे।
मिले जानकारी के मुताबिक सनिच्चर के जिला म कोरोना के सात नवा मरीज मिले हे, जेमा मां अउ बेटी के रिपोर्ट ह दिन म पाजिटिव आय हे।
उहचे शाम के पांच लोगन के रिपोर्ट ह पाजिटिव मिले हे। एमा दू पुलिसकर्मी अउ तीन आन मरीज शामिल हे।
(gariaband) जिला चिकित्सा अधिकारी ह बताइस कि देर रात जेन पांच नवा मरीज के रिपोर्ट ह पाजिटिव आय हे,
ओमा चार छुरा क्षेत्र अउ एक देवभोग क्षेत्र के मरीज शामिल हे। वो हा बताइस कि छुरा क्षेत्र के 4 मरीज मन म ले दू पुलिस जवान घलो शामिल हे।
उहचे एक मरीज ह छुरा शहर अउ ए पांडुका गांव के हे। देवभोग क्षेत्र के मरीज ह मोखागुड़ा गांव के रहवइया हे।
छुरा थाना प्रभारी राजेश जगत ह बताइस कि ओखर थाना म पदस्थ दो जवान के रिपोर्ट पाजिटिव आय हे। दुनो जवान ह कुछु दिन पहिले छुट्टी ले वापस लहुटे हे अउ दुनो फिलहाल क्वारेंटाइन सेन्टर म हे।
बता दें (gariaband) जिला म कोरोना संक्रमित मरीज मने के संख्या ह बाढ़ के 115 हो गे हे। जेमा ले 24 एक्टिव मामला हे। उहचे 91 मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे।
