शहीद गणेश कुंजाम के परिवार ल 20 लाख के आर्थिक सहायता के संग एक सदस्य ल मिलही सरकारी नौकरी, सीएम भूपेश ह करिन एलान
जय जोहार…. सीमा म चीनी सेना के संग झड़प म शहीद जवान गणेश कुंजाम के परिजन मन ल छत्तीसगढ़ सरकार ह 20 लाख रूपिया के आर्थिक सहायता के संग परिवार के ए सदस्य ल सरकारी नौकरी देही। ए बात के घोसना मुख्यमंत्री भूपेश बघेल ह शहीद ल श्रद्धांजलि देत हुये केहे हे।
शहीद गणेश राम कुंजाम के पार्थिव शरीर ह लगभग पौने पांच बजे विशेष विमान ले रायपुर पहुंचिस। एयरपोर्ट के पुराना टर्मिनल के बाहर शहीद जवान ल गॉड ऑफ ऑनर दे गिस। ए दौरान सीएम भूपेश बघेल, गृहमंत्री ताम्रध्वज साहू, पूर्व सीएम रमन सिंह, पूर्व मंत्री बृजमोहन अग्रवाल, बीजेपी प्रदेश अध्यक्ष विष्णुदेव साय, प्रदेश के मंत्री शिव डहरिया अऊ सांसद सुनील सोनी ह शहीद जवान ल श्रद्धांजलि दे हे।
ए दौरान सीएम भूपेश बघेल ह शहीद गणेश कुंजाम के परिजन मन ल 20 लाख रूपिया के आर्थिक सहायता अऊ परिवार के एक सदस्य ल सरकारी नौकरी के आलावा जेन स्कूल म वे पढ़त रहित, उस स्कूल के नाम ल ओखर नाम पर रखे के घोसना करिन।
