शहीद गणेश कुंजाम के बहन ह रैपिड टेस्ट म निकलिस कोरोना पाजिटिव, बीते रात पुणे ले पहुंचे रहिस गांव

जय जोहार…. शहीद गणेश कुंजाम के बहन ह रैपिड टेस्ट म कोरोना पाजिटिव मिले हे। बतावत जात हे कि बीते रात करीब साढ़े 10 बजे पुणे ले लहुटे रहिस। वो अपन भाई के श्रद्धांजलि कार्यक्रम म मौजूद नई रहिस। गौरतलब हे कि भारत ऊच चीन हिंसक झड़प म शहीद जवान गणेश राम कुंजाम के पार्थिव शरीर ह देर शाम ओखर गृहग्राम पहुंचे रहिस।
जवान के पार्थिव शरीर ल ले बर मुख्य मार्ग ले लेके गांव तक लोगन मन ह आरती की थाली लेके शहीद के आरती बर खड़े रहिस। गांव के एक दर्जन ले जियादा युवा हाथ म झंडा लेके अपन वीर जवान के नारे लगात हुये रैली निकाल के गांव तक पहुंचिस। शहीद जवान के पार्थिव शरीर ल घर म कुछ देर रखे के बाद पास के स्कूल ग्राउंड म श्रद्धांजलि सभा के आयोजन करे गिस, जेला पूरा राजकीय सम्मान के संग गार्ड ऑफ ऑनर दे गिस।