शहीद वीर नारायण सिंह श्रम अन्न योजना, बालोद के श्रमिक मन ल पांच रुपया म मिलत भरपेट भोजन

रायपुर। मुख्यमंत्री विष्णुदेव साय के सुशासन म छत्तीसगढ़ के श्रमिक मन बर शहीद वीर नारायण सिंह श्रम अन्न योजना के तहत बालोद जिला के बुधवारी बाजार म कैंटिन के संचालन होवत हे। ए योजना के माध्यम ले श्रमिक मन बर ल मात्र पांच रुपया म भरपेट स्वादिष्ट अउ गरम भोजन उपलब्ध कराए जात हे।

बालोद स्थित सब्जी मंडी परिसर म संचालित ए कैंटिन म श्रमिक मन के चावल, दाल, सब्जी, पापड़, सलाद, अचार अउ रायता परोसे जात हे। श्रमिक मन बर बैठे अउ खाने के बेहतर व्यवस्था घलो के गे हे। सप्ताह भर अलग-अलग सब्जी अउ दाल के संग तैयार मेन्यू के अनुसार भोजन परोसा जाहि। ए योजना के लाभ पंजीकृत श्रमिक अपन श्रमिक कार्ड दिखाके उठा सकत हे। उहे, जेन श्रमिक अभी तक पंजीकृत नइ हें, ओ मन कैंटिन म ही अपन श्रम पंजीयन कराके ए सुविधा के लाभ ले सकत हे।

मुख्यमंत्री के श्रमिक मन के प्रति संवेदनशीलता अउ ओमन रियायती दर म भोजन उपलब्ध कराए बर कैंटिन शुरू करे के ए पहल के श्रमिक मन ह सराहना करे हे। श्रमिक जयप्रकाश ह कहिन, ए कैंटिन मजदूर वर्ग बर बेहद मददगार साबित होवत हे। अब मजदूर पांच रुपया म गरम अउ स्वादिष्ट भोजन प्राप्त कर सकत हे। हरीश कुमार ह कहिन, गांव ले सब्जी बेचे अउ खरीदे बर अवइया लोगन मन के अब भोजन बर दूर नइ जाना पड़हि। सुविधा हमर बर बहुत लाभकारी हे। तरुण साहू ह मुख्यमंत्री के ए पहल के सराहना करत कहिन, पहली 15-20 रुपया म स्वल्पाहार मिलत रहीन, लेकिन अब पांच रुपया म भरपेट भोजन करना संभव हो गे हे। मुख्यमंत्री ह मजदूर मन के सेवा के बेहतरीन कार्य करिन।