वरिष्ठ कलाकार शिवकुमार दीपक के दूसरा पीढ़ी घलोक सक्रिय हावे अभिनय म

शिवकुमार दीपक कला क्षेत्र म अईसे नाम हे , जेला सब्बो मन चिनथे अउ कतको झन ये नई जाने की ओखर बेटा आए शैलेष साव । शैलेष ह घलोक अभिनय के क्षेत्र म एक स्थापित कलाकार आए। वो ह नगर निगम भिलाई म काम करत करत अभिनय म सक्रिय हे। एक हास्य कलाकार के साथ गंभीर अभिनय म शैलेष ल महारथ हासिल हे। लइकापन ले अपन बाबूजी शिवकुमार दीपक ल अभिनय करत देख ओखरो मन म अभिनय करे के इच्छा पैदा हो गे अउ शुरू हो गे शैलेष के अभिनय यात्रा।

कतको लघु फिलिम अउ बड़े फिलिम म अभिनय के छाप छोड़े शैलेष आज बाबूजी के सेवा अउ परिवार ल समय देवत हे , लेकिन अभिनय बर वो ह समय निकाल लेथे।