जय जोहार रायपुर… काली मुख्यमंत्री निवास म पंद्रह विधायक मन ल संसदीय सचिव के पद अऊ गोपनीयता के शपथ दिलाय गिस , एमा सब्बो ल पहिली बार जिम्मेदारी मिलिस हे , शपथ के बाद सब्बो संसदीय सचिव मन अपन जिम्मेदारी ल ले के उत्साहित नजर आइस , कसडोल विधानसभा के महिला विधायक शकुंतला साहू ल कृषि मंत्री संग अटेच करे गे हे , मुख्यमंत्री ह सब्बो संसदीय सचिव मन ल तीन ठन गुर दिस जेमा ओमन ल कहे गिस कि अपन क्षेत्र म बने पकड़ , प्रशानिक कार्य मन म दखल अऊ विधानसभा म मुखर हो के क्षेत्र के बात ल उठाना , ये सब म अगर आप दक्ष हो गेव त मंत्री बने के बाद आप मन ल कार्य करे म आसानी होही,
संसदीय सचिव बने के बाद कसडोल विधायक शकुंतला साहू ह मुख्यमंत्री के आशीर्वाद लिस अऊ बने काम करे के संकल्प लिस , एखर बर वो ह मुख्यमंत्री के संग क्षेत्र के जनता के आभार व्यक्त करिस , शपथ ग्रहण समारोह म वरिष्ठ अधिकारी मन के संग कांग्रेस के नेता मन बड़े संख्या म उपस्थित रिहिन.
