तीन आईएएस मन के होगे तबादला , शिखा राजपूत बेमेतरा ले पेंड्रा अऊ शिव अनंत तायल ल नगर निगम रायपुर ले बेमेतरा जिला के कमान, सौरव कुमार राजधानी के नवा कमिश्नर

जय जोहार रायपुर.. राज्य शासन ह एक अऊ तबादला आदेश जारी करे हे जेमा तीन आईएएस मन एती ले ओती होय हे , जानकारी के अनुसार बेमेतरा के कलेक्टर शिखा राजपूत ल नवा जिला गौरेला पेंड्रा के जिम्मेदारी दे गे हे, नगर निगम रायपुर के कमिश्नर शिव अनंत तायल ल बेमेतरा के कलेक्टर बनाय गे हे अऊ ओखर जगह म महिला बाल विकास विभाग के सयुंक्त सचिव सौरव कुमार ल मौक़ा दे गे हे , बता दन की ये तीनो अधिकारी अभी तक जिन्हा भी रहे हे ऊंहा अच्छा काम करे हे.