मंत्री शिव कुमार डेहरिया ह राहुल गांधी ले लेके ए का कह डालिस रा

रायपुर : भूपेश सरकार म मंत्री शिव कुमार डेहरिया ह अपन पार्टी के राष्ट्रीय अध्यक्ष राहुल गांधी ल ले के बड़का बेयान देय हे. उंखर ए वीडियो सोसल मीडिया म जमके वायरल होवत हे.

एक सभा के दउरान मंत्री के जुबान फिसल गिस अउ उमन राहुल गांधी बर अइसे बात कह डालिस. बाद म भूल के एहसास होए म भाषन के अंत म सुधार करिस. अउ राहुल गांधी के जगा राजीव गांधी कहिन.

दरअसल, मंत्री डेहरिया ह एक सभा म कहिन के, ‘राहुल गांधी के बारे म त आप मन सब जानत हव, उमन ल बम ले उड़ा देयगे रहिस हे, उंखर सरीर के चिथड़ा-चिथड़ा उड़ गे रहिस हे.’ भाषन के अंत म मंत्री ह अपन भूल सुधारीस अउ राहुल के जगा राजीव गांधी कहिन. उमन छत्तीसगढ़ी म ए बात कहींन.

बता दें के उमन ए बात पूर्व प्रधानमंत्री राजीव गांधी बर कहे रहिस हे. बारह सेंकड के उंखर ए वीडियो सोशल मीडिया म जमके वायरल होवत हे.