भगवान ल प्रसन्न करे बर अपन जीभ ल काट के चढ़ा दिस शिवलिंग म

कोरबा। सावन के महीना शुरू हो गे हे अइसे म शिव मंदिर म भक्त मन के लाइन लगे रहिथे, अउ भक्त मन ह शिवजी के पूजा-पाठ कर घर-परिवार म सुख, शांति बर प्रार्थना करथे। फेर अइसे एक भक्त हे जेन ह भगवान शंकर ल प्रसन्न करे बर अपन जीभ ल काट के शिवलिंग म चढ़ा दिस। ये घटना कोरबा के करतला-सेन्द्रीपाली के हरे।

बताए जात हे कि करतला-सेन्द्रीपाली के लक्ष्मी प्रसाद ह भगवान शिव ल रिझाए बर अपन जीभ ल काटके भगवान शिव ल अर्पण कर दिस, जब ले ये खबर इलाका म फैलीस हे तब ले उंहा श्रद्धालु मन के तांता लग गे हाबय। संगे-संग उंखर ये भक्ति ह चर्चा के विषय घलो बन गे हे। लक्ष्मी प्रसाद ह पांच दिन से एक पेड़ के नीचे शिवजी के प्रतिमा लेके बइठे हे।