बस्तर के ऐतिहासिक तुलार गुफा ले गायब हुोगे शिवलिंग, जांच सुरू

दन्तेवाड़ा : छत्तीसगढ़ के धरोहर अउ भक्त मन के आस्था ल भारी ठेस पहुंचिस हे. नारायणपुर जिला स्थित तुलारधाम के शिवलिंग रहमय ढंग ले गायब हो गए हे.

एखर पता ओ बेरा म चलिस जब भक्त महाशिवरात्रि म शिवलिंग के दर्शन करे बर पहुंचिन. शिवलिंग गायब होए ले इलाका म हड़कंप मचे हुए हे. आखिरकार वो ह गायब कहां हो गिस हे … हालांकि नक्सली मन ह शिवलिंग के तीर-तखर म बइनर पोस्टर लगाए हे. जेखर ले ए बात के अंदेशा लगाय जात हे के ए नक्सली मन के ही कारतूत हवय.

पुरानी तस्वीर म मवजूद हे शिवलिंग
दरअसल माड़ के जंगल मन बसे तुलार धाम म हर महाशिवरात्रि म हज़ारों दर्शनार्थी नक्सली मन के मांद ल चीरत गुजर जाथे. शायद इंही वजह ले नक्सली अपन वर्चस्व ल बचाए अउ इलाका म लोगन के आवाजाही लाल लड़ाका मन ल नागवार गुजरत हे. ए बेर जब जंगल मन के सफर तय कर भक्त तुलार म जे प्राकृतिक जलाभिषेक करत शिवलिंग के दर्शन बर पहुंचिन, त उमन शिवलिंग ल अपन स्थान गायब दिखिस. पूजा स्थल म शिवलिंग के जगह महज एक चांदी का छत्र रहिस हे. आखिर लोगन के आस्था के प्रतीक शिवलिंग कइसे हटिस? वइसे तुलार गुफा के इलाका दन्तेवाड़ा-बीजापुर अउ नारायणपुर तीनों जिला के घना जंगल मन ले ए रास्ता हे.

नक्सली मन ह लगाइस बइनर
नारायपुर जिला म तुलार गुफा आथे. कई बछर ले हज़ारों श्रद्धालु बिना सुविधा मन के ही ए आस्था केंद्र म जात हवय. उमन ल शिवलिंग के गायब होए ले मायूसी हाथ लगिस. ए तरह ले एक बेर प्राचीन ढोलकल पर्वत म प्राचीन गणेश प्रतिमा ल घलोक नीचे फेंक के खंडित कर दिस. जेखर बाद शासन प्रशासन ह बड़का मशक्कत के बाद खंडित प्रतिमा ल पुनः मूर्त रूप दे उंही शिखर म बइठाए गिस.