कोटा ले 2247 छात्र मन ल लेके लहुट रही बसों का काफिला पहुंचिस शिवपुरी, काली बिहिनिया पहुंचही छत्तीसगढ़

जय जोहार…. मुख्यमंत्री भूपेश बघेल के पहल के बाद कोटा म पढ़इया 2247 छात्र मन ल लेके 75 बस ह छत्तीसगढ़ बर रवाना हो चुके हे। ए दौरान सुरक्षा बर डॉक्टर मन के टीम संग म मौजूद हे। फिजिकल डिस्टेंसिंग के मद्देनजर एक बस म सिर्फ 25 छात्र मन ल बइठाय गे हे।

प्रदेश के अलग-अलग संभाग ले 2247 छात्र मन के काफिला अभी मध्यप्रदेश के शिवपुरी पहुंचे हे। मंगलवार सुबह तक सबो बस ह रायपुर अऊ अलग-अलग संभाग म पहुंचही। कोटा ले अवइया रायपुर जिला के छात्र मन ल प्रयास संस्था सड्‌डू, प्रयास संस्था गुढ़ियारी, एनएच गोयल स्कूल नरदहा अऊ ज्ञान गंगा स्कूल नरदहा म 14 दिन क्वारेंटाइन करे जाही।