प्रदेश के सबो शापिंग मॉल, चौपाटी अऊ कोचिंग सेंटर करे गिस बंद

जय जोहार रायपुर…. कोरोना के मद्देनजर राज्य सरकार ह एक बड़ा फैसला ले हे। राज्य के सबो शापिंग मॉल, चौपाटी अऊ कोचिंग सेंटर ल बंद कर दे गे हे। राज्य सरकार ह ए सबो जगह ल 31 मार्च तक बर बंद करे के आदेश दे हे।

एखर पहिली राज्य सरकार ह प्रदेश के सबो स्कूल, कालेज, लाइब्रेरी, स्वीमिंग पुल, जिम ल 31 मार्च तक बंद करे के आदेश दे रहिस। आज इही कड़ी म एक अहम आदेश जारी कर राज्य सरकार ह प्रदेश के सबो शापिंग मॉल, कोचिंग सेंटर अऊ चौपाटी ल बंद करे के आदेश दे हे। ए आदेश ल तत्काल प्रभाव ले लागू कर दे गे हे।