शराब बंदी : एक अप्रैल ले ए दुकान मन होही बंद

रायपुर :जे वादा मन के संग कांग्रेस ह छत्तीसगढ़ म अपन सरकार बनाइस हे. ओला एक के बाद एक पूरा करत हुए नजर आवत हे. कांग्रेस ह प्रदेश के जनता ल शराबबंदी के वादा करे रहिन हे. अब सरकार म आए के बाद वादा पूरा कऐ बर अग्रसर हवय। सरकार ह फइसला लिस हे के 1 अप्रैल ले प्रदेश के 50 शराब दुकान बंद कर दे जाही.

सरकार ह बंद होवइया दुकान मन के लिस्ट जारी कर देहे. जारी सूची के अनुसार 36 देशी अउ 14 विदेशी मदिरा के दुकान बंद करे जाही.जानकारी के मुताबिक वर्ष 2019-20 म देशी शराब दुकान मन के संचालन शासन ठेकेदारी पद्धति ले करवा सकत हे. तो उहें विदेशी मदिरा के दुकान मन के संचालन स्वयं कर सकत हे. बता दें छत्तीसगढ़ विधानसभा के बजट सत्र म सरकार के ओर ले बड़का ऐलान करे गिस.

जेमा आबकारी मंत्री कवासी लखमा ह सदन म कहे रहिन हे के, एक अप्रैल ले प्रदेश म 50 शराब के दुकानें बंद कर दे जाही. एखर बाद अध्ययन दल के रिपोर्ट मिले म पूर्ण शराबबंदी के ओर सरकार कदम बढ़ाही. प्रदेश म पूर्ण शराबबंदी जरूर करे जाही.
—–