gariaband म काली ले बिहनिया सात बजे ले शाम छह बजे तक खुलही दुकान

जय जोहार…. गरियाबन्द (gariaband) नगर पालिका क्षेत्र के सब्बो दुकान अउ व्यवसायिक प्रतिष्ठान ल काली ले बिहनिया सात बजे ले शाम छह बजे तक खोले जा सकही। ए संबंध म कलेक्टर छतर सिंह डेहरे ह आदेश जारी कर दे हे।
बता देन कि पूर्व म 30 जून के मध्य रात ले अवइया आदेश तक पूरा नगर पालिका परिषद गरियाबन्द (gariaband) क्षेत्र बर अनुमति प्राप्त सब्बो व्यवसायिक प्रतिष्ठान ल बिहनिया सात बजे ले दोपहर 2 बजे खुले के आदेश जारी करे गे रिहिस। जेमा आंशिक संशोधन करत हुये अब 14 जुलाई ले बिहनिया सात बजे ले शाम छह बजे तक नगर पालिका परिषद गरियाबन्द (gariaband) क्षेत्र के सब्बो दुकान अउ व्यवसायिक प्रतिष्ठान ह खुले रही। ए आदेश ह तत्काल प्रभावशील होही।