स्मार्ट सिनेमा के लघु फिल्म प्रतियोगिता के विजेता होईस घोषित , सौ ले जादा फिलिम होय रिहिस नामांकित

जय जोहार रायपुर… कोरोना संक्रमण काल म फिल्मी मेग्जिन स्मार्ट सिनेमा ह लघु फिल्म प्रतियोगिता के आयोजन करे रिहिस जेमा सौ ले जादा फिलिम मन के भागीदारी रिहिस , निर्णायक मन सब्बो लघु फिलिम ल देख के तीन केटेगरी म विजेता मन के नाम घोषित करिस जेन मन ल रायपुर प्रेस क्लब म सम्मानित करे गिस ,

विजेता मन म लघु फिल्म मालिक बर आकाश गिरी गोस्वामी ल, लघु फिलिम रहिबे कोरोनावा बर उर्वशी साहू अऊ बाल कलाकार म लक्ष्य बर्मन ल चयन करे गिस , सब्बो विजेता मन ल प्रेस क्लब म सम्मानित करे गिस , ये मौक़ा म उल्लेखनीय काम बर विनोद धामेजानी ल घलो सम्मानित करे गिस , बता दन कि ये सब्बो लघु फिलिम मन ल स्मार्ट सिनेमा के यू ट्यूब चेनल म अपलोड घलो करे जाहि,

निर्णायक मंडल म उत्तम साहू ,दिनेश मिश्रा पुरुराज साहू ,श्रवण राठोर ,आर के साहू ,जश्बीर कोमल अऊ सुधीर तम्बोली शामिल रिहिन , कार्यक्रम के सफल रूपरेखा स्मार्ट सिनेमा के एमडी पीएनएल लकी ह तैयार करे रिहिस.